影片
更多
2019-04-05
110 瀏覽
突然間好想食糯米飯，搵到呢間有個抵食二人餐，就同fiancé 去試下。真係好豐富！有沙葛湯，熱辣辣即時暖下個身，味道唔會淡茂茂，好足料👍🏻雖然陳年花雕醉鴨舌係前菜，但份量好多，好勁花雕酒味，我本身就唔好酒，fiancé 話好食。稻庭烏冬北海道帶子加埋佢地落左wasabi既芝麻醬一齊食好好味！有埋蟹子一齊食脆卜卜好正！隻帶子好大😍只係略略煎過個面，入面重係生生地👍🏻刺身級帶子先做到主菜揀左隆龍八寶生菜包🥬，唔加佢個醬個好食啲，個醬exactly 係點乳豬個隻醬，加完太濃搶晒本身啲味。香橙🍊江南小排骨一啲都唔小🤣開頭以為一粒粒排骨，原來係一條條。呢個好好食！好濃橙味，外層加左粉炸到勁脆，再煮，每一條骨都包住香濃既橙汁🍊熱辣辣好好食👍🏻我地想食菜，加左個什菜煲，面頭有啲瑤柱仔同杞子，啲菜估唔到係炒過，因為望到好油，本來食什菜煲為左清啲，點知係炒完再落煲😅😅生炒糯米飯炒得好好，唔會”削bed bed”，每啖都食到細細粒既臘腸👍🏻好好食！食埋紅豆沙超滿足！雖然煲得唔夠起沙，似紅豆湯多啲，但佢低糖唔會甜爺爺。份量只有半杯，咁都幾好，我地食左咁多野都食唔到一杯，唔會浪費食物。下次我可以帶屋企人試下😌
雖然陳年花雕醉鴨舌係前菜，但份量好多，好勁花雕酒味，我本身就唔好酒，fiancé 話好食。
稻庭烏冬北海道帶子加埋佢地落左wasabi既芝麻醬一齊食好好味！
有埋蟹子一齊食脆卜卜好正！
隻帶子好大😍只係略略煎過個面，入面重係生生地👍🏻刺身級帶子先做到
主菜揀左隆龍八寶生菜包🥬，唔加佢個醬個好食啲，個醬exactly 係點乳豬個隻醬，加完太濃搶晒本身啲味。
香橙🍊江南小排骨一啲都唔小🤣開頭以為一粒粒排骨，原來係一條條。呢個好好食！好濃橙味，外層加左粉炸到勁脆，再煮，每一條骨都包住香濃既橙汁🍊熱辣辣好好食👍🏻
我地想食菜，加左個什菜煲，面頭有啲瑤柱仔同杞子，啲菜估唔到係炒過，因為望到好油，本來食什菜煲為左清啲，點知係炒完再落煲😅😅
生炒糯米飯炒得好好，唔會”削bed bed”，每啖都食到細細粒既臘腸👍🏻好好食！
食埋紅豆沙超滿足！雖然煲得唔夠起沙，似紅豆湯多啲，但佢低糖唔會甜爺爺。份量只有半杯，咁都幾好，我地食左咁多野都食唔到一杯，唔會浪費食物。
下次我可以帶屋企人試下😌
張貼
