宜家家居餐廳及咖啡室

營業中

休息中

呢日唔洗返工, 於是諗住去沙田嘅宜家食早餐。餐廳唔太多人, 好快已經搵到位。去過宜家食野都知, 呢度係自助式, 要自己拎餐盤行去櫃臺叫野食, 叫完再一次過俾錢。叫咗一個23蚊嘅早餐精選, 連埋一杯熱茶。早餐入面有薯餅、雞扒、蕃茄、炒蛋同埋煙肉。薯餅非常香口, 炸得唔會過硬, 咬落好脆。雞扒都算大塊, 扒入面有唔少油份, 所以食落唔會太乾。煙肉同蛋就屬於正常水平, 至於蕃茄就起到中和油膩嘅作用。23蚊可以食到一set早餐, 實在超抵食。加上佢採取自助式嘅設計, 自己食完要將餐具放返去回收區, 可以訓練埋自律性。