影片
更多
2021-06-22
618 瀏覽
同朋友行吓舊區， 先發現原來呢道有好多食肆。見呢間個menu平平地，個decor又幾唔錯坐得都幾舒服，就試下佢。叫左4樣野，兩個人先一百蚊多啲，平到以為自己去左泰國。🔸豬肉船金邊粉（遊泰國）有超多料！有豬肉片、丸、豬肚，通菜、豬皮。重點係個湯底！好濃但一d都唔油膩，甜甜地又唔會確喉。轉過頭就飲晒啲湯！🔸椰青咖喱豬扒黃麵叫左細份都仲有3塊豬扒，仲有啲薯仔同蕃茄，一d都唔hea! 個黃麪都有驚喜，有啲似中式麵，但又好香蛋味！質地係qq地，好得意。細份都好多咖喱汁，強烈建議要加個餅點晒d汁。🔸炸魚皮配冬陰功湯$28蚊有勁多魚皮！第一次試炸魚皮配冬陰功湯，原來好過癮。湯底好重蕃茄味，非常惹味。🔸豬肉串燒豬肉串燒又一超高CP值之作，$40蚊就有3串。肉質好有咬口，而個醬加埋d花生超級香口。十分滿意！
同朋友行吓舊區， 先發現原來呢道有好多食肆。見呢間個menu平平地，個decor又幾唔錯坐得都幾舒服，就試下佢。
叫左4樣野，兩個人先一百蚊多啲，平到以為自己去左泰國。
🔸豬肉船金邊粉（遊泰國）
有超多料！有豬肉片、丸、豬肚，通菜、豬皮。重點係個湯底！好濃但一d都唔油膩，甜甜地又唔會確喉。轉過頭就飲晒啲湯！
🔸椰青咖喱豬扒黃麵
叫左細份都仲有3塊豬扒，仲有啲薯仔同蕃茄，一d都唔hea! 個黃麪都有驚喜，有啲似中式麵，但又好香蛋味！質地係qq地，好得意。細份都好多咖喱汁，強烈建議要加個餅點晒d汁。
🔸炸魚皮配冬陰功湯
$28蚊有勁多魚皮！第一次試炸魚皮配冬陰功湯，原來好過癮。湯底好重蕃茄味，非常惹味。
🔸豬肉串燒
豬肉串燒又一超高CP值之作，$40蚊就有3串。肉質好有咬口，而個醬加埋d花生超級香口。十分滿意！
張貼
