海洋超級漁港 (深海龍躉專門店)

營業中

休息中

同屋企人食飯，中菜始終係首選～第一次黎佐敦呢間酒樓，平靚正！呢度海鮮特別出色，又抵食！平日夜晚黎都座無虛席～✨上湯西澳洲龍蝦伊麵近來做緊半價，只需要二百幾蚊，龍蝦好大隻好多肉😍✨自選孖寶有好多海鮮可以揀，我就揀左清蒸生猛沙巴龍躉 + 黃金沙撈海花蝦。呢個組合勁抵食，條龍躉大條到⋯啲魚汁送飯一流！而海蝦就由鹹蛋黃煎成，好惹味～✨豉汁帶子蒸豆腐好喜歡呢道菜！豆腐滑嘟嘟手，加上有豉汁香味嘅帶子✨冰鎮咕嚕肉外層冰鎮住，外脆內軟、外冷內熱嘅效果，甜酸度剛剛好～仲有啲菠蘿、青椒、蕃茄仔增添清新感。