影片
更多
2018-07-16
1876 瀏覽
之前食過位於科學園嘅囍慶酒樓，覺得水準唔錯，今日就專程嚟試吓顯徑分店。由於今日係閒日，而且時間尚早，食客仲未係好多。八道鮮味（兩位用） ＄438我同朋友都飢腸轆轆，所以決定嗌海鮮套餐「八道鮮味」，包括多款海鮮，最正係食海鮮餐有贈飲：橙汁、椰青水（可無限任添！）上湯焗龍蝦伊麵原隻龍蝦超吸引，肉質肥厚，又多龍蝦膏，食到我不斷吮手指呀👍🏻礦泉水灼鮮鮑魚越係新鮮嘅海鮮，越唔需要花巧嘅烹調方法，簡簡單單已經食到最原始嘅鮮味。椒鹽九節蝦鮮蝦大大隻，蝦肉彈牙，椒鹽夠惹味，唔錯。清蒸海上鮮估唔到倉魚咁大條！火喉掌握得恰到好處，魚肉唔會過熟，鮮味無窮。勁蒜蒸貴妃蚌一人一隻，蒜蓉好香，粉絲夠入味，正！油鹽水浸花甲紅燒王子乳鴿乳鴿烤得剛好，如果肥美一點更好。金銀蛋浸菜苗食返啲菜消下濟，清清地幾好。每人二百幾蚊，就可以食到海鮮大餐，仲有飲品任添，真係好抵食，推薦大家嚟試下👍🏻
之前食過位於科學園嘅囍慶酒樓，覺得水準唔錯，今日就專程嚟試吓顯徑分店。
由於今日係閒日，而且時間尚早，食客仲未係好多。
八道鮮味（兩位用） ＄438
我同朋友都飢腸轆轆，所以決定嗌海鮮套餐「八道鮮味」，包括多款海鮮，最正係食海鮮餐有贈飲：橙汁、椰青水（可無限任添！）
上湯焗龍蝦伊麵
原隻龍蝦超吸引，肉質肥厚，又多龍蝦膏，食到我不斷吮手指呀👍🏻
礦泉水灼鮮鮑魚
越係新鮮嘅海鮮，越唔需要花巧嘅烹調方法，簡簡單單已經食到最原始嘅鮮味。
椒鹽九節蝦
鮮蝦大大隻，蝦肉彈牙，椒鹽夠惹味，唔錯。
清蒸海上鮮
估唔到倉魚咁大條！火喉掌握得恰到好處，魚肉唔會過熟，鮮味無窮。
勁蒜蒸貴妃蚌
一人一隻，蒜蓉好香，粉絲夠入味，正！
油鹽水浸花甲
紅燒王子乳鴿
乳鴿烤得剛好，如果肥美一點更好。
金銀蛋浸菜苗
食返啲菜消下濟，清清地幾好。
每人二百幾蚊，就可以食到海鮮大餐，仲有飲品任添，真係好抵食，推薦大家嚟試下👍🏻
張貼
