影片
更多
2021-08-23
883 瀏覽
餐廳：良鮨壽司 (大埔)地址：大埔廣福道77號地舖難得入到大埔搵朋友，緊係要叫朋友盡地主之誼帶我去食好西啦🤤，朋友話做人要有良知，食日本嘢佢推介我去大埔呢間開咗大概2個月嘅良鮨壽司💛良鮨壽司星期一至六12點至4點有午市套餐(公眾假期除外)，最平$58就有一個丼飯🍱，價錢都算平民化，價格唔會太貴，而且所用嘅都喺良心食材👍，基本上都係由日本運港🇯🇵，而我最著重嘅緊喺食材夠唔夠新鮮，無疑佢哋嘅食物的確高質，值得再嚟幫襯🤪(之後慢慢介紹)坐喺bar枱位置，可以近距離望住師傅預備食材，識睇一定喺睇佢哋處理食材嘅認真、潔淨程度，仲有佢哋切魚生時嘅刀工🔪。坐低無耐就先比咗碟紅酒蕎頭我哋食，爽口得嚟非常開胃，另外叫咗個有爆多蟹籽嘅蟹籽沙律($35)，it’s a very good start😎✝️良鮨壽司拼盤 $538 呢個拼盤以木橋造型嘅托盤送上，裏面有大拖羅、中拖羅、赤身、牡丹蝦🦐、蔥拖羅蓉軍艦、日本海膽軍艦各兩件，共十二件壽司🍣，另外仲有一條切成六件嘅鐵火卷，即喺將吞拿魚夾喺壽司飯當中，再用紫菜卷起整成嘅卷物。呢個拼盤主要用嘅食材喺藍鰭吞拿魚，魚嘅上半部分即魚背就叫做赤身，喺吞拿魚又瘦又紅嘅肉，
地址：大埔廣福道77號地舖
難得入到大埔搵朋友，緊係要叫朋友盡地主之誼帶我去食好西啦🤤，朋友話做人要有良知，食日本嘢佢推介我去大埔呢間開咗大概2個月嘅良鮨壽司💛
良鮨壽司星期一至六12點至4點有午市套餐(公眾假期除外)，最平$58就有一個丼飯🍱，價錢都算平民化，價格唔會太貴，而且所用嘅都喺良心食材👍，基本上都係由日本運港🇯🇵，而我最著重嘅緊喺食材夠唔夠新鮮，無疑佢哋嘅食物的確高質，值得再嚟幫襯🤪(之後慢慢介紹)
坐喺bar枱位置，可以近距離望住師傅預備食材，識睇一定喺睇佢哋處理食材嘅認真、潔淨程度，仲有佢哋切魚生時嘅刀工🔪。坐低無耐就先比咗碟紅酒蕎頭我哋食，爽口得嚟非常開胃，另外叫咗個有爆多蟹籽嘅蟹籽沙律($35)，it’s a very good start😎
✝️良鮨壽司拼盤 $538
呢個拼盤以木橋造型嘅托盤送上，裏面有大拖羅、中拖羅、赤身、牡丹蝦🦐、蔥拖羅蓉軍艦、日本海膽軍艦各兩件，共十二件壽司🍣，另外仲有一條切成六件嘅鐵火卷，即喺將吞拿魚夾喺壽司飯當中，再用紫菜卷起整成嘅卷物。
呢個拼盤主要用嘅食材喺藍鰭吞拿魚，魚嘅上半部分即魚背就叫做赤身，喺吞拿魚又瘦又紅嘅肉，食落較實而有咬口；下半部分屬魚腩位即喺拖羅，脂肪比較多，放入口即溶而且充滿天然嘅魚油脂甘香😋。良鮨以鮮拖羅去整成各款壽司，平時出面食一件成條魚最肥美嘅部分——大拖羅都要$70-80，呢個拼盤真係比你試勻藍鰭吞拿魚唔同部位。
海膽亦都好豐富，一啲腥臭味都無，認真唔話得👍
✝️原條日本直送時令左口魚 $320
師傅話今日返咗批好靚嘅左口魚🐟，所以我哋就叫咗條嚟試吓，原來餐廳每日都會有各式各樣日本直送嘅時令鮮魚到店，所以每日提供嘅新鮮時令魚同刺身都唔一樣，只喺希望將最靚嘅魚製成最好嘅食物呈現喺食客面前🤩，
呢條左口魚薄切刺身每一件都均勻細膩，大小切得差唔多、厚薄度基乎一樣😻，入口滑溜，蘸埋餐廳嘅秘製酸汁簡直無可挑剔😌。而餐廳啲時令魚除咗整成刺身之外，魚骨仲會整食兩食包括魚骨湯同炸魚骨小食，物盡其用👻
✝️日本北海道仙鳳趾生蠔 $75/隻
講到時令特色又點可以唔提呢款北海道仙鳳趾生蠔🦪，除咗體積肥美有半隻手掌咁大之外🖐️，
味道仲相當creamy，入口超滑而且濃郁鮮甜，有「海中牛奶」嘅美譽🥛，包你食完之後會想食第二第三第四第五隻😼，想知有咩時令生蠔就要問店員喇🧑🍳
✝️焦糖鵝肝壽司 $42/件
平時食半熟或者煎嘅鵝肝就食得多，焦糖鵝肝都真喺比較少試🤔，焦糖嘅甜香出奇地中和咗鵝肝嘅油膩感🤫，食落完全唔覺得好溜，加上壽司飯吸收咗鵝肝嘅油脂香，食起上嚟香味同層次更加豐富
✝️蒲燒鰻魚飯 $68
一開始講到午市套餐咁抵食，又點可以唔介紹吓比大家😏？只喺$68，喺$68啊‼️，你睇吓呢塊蒲燒鰻魚幾大塊，真係講都無人信😂，厚得嚟仲燒得好惹味，無燒到過龍，想平平哋食真係要試吓
老闆時不時亦會周圍搵唔同嘅限量版清酒，拎呢隻歷史悠久、被日本文化廳列為日本遺產嘅「伊丹諸白」做例子🍶，2020年喺佢哋470週年紀念，全球限量發售咗1000枝以創新改良「諸白仕込」技術精製嘅超特選伊丹諸白大吟釀，餐廳入手咗3枝，想試就快，因為賣晒就無🙊，好嘢又限量嘅嘢永遠都喺先到先得㗎啦。佢哋仲有各款嚟自日本嘅梅酒、汽水🇯🇵，而成部生啤機喺餐廳入面唔知又吸唔吸引到你呢🍺？
順帶一提，外賣自取有9折優惠，喺學生嘅話再送多罐飲品👨🏽🎓👩🏻🎓，千祈唔好錯過呢啲優惠🤡，快啲去搵返屬於自己嘅「良鮨」啦
張貼
