影片
更多
2015-04-12
1314 瀏覽
見元朗面書勁多谷友堆呢間119Korea station，仲話排成三個鐘先食到，咁犀利，等我早啲黎試下先。五點十黎到已有人等位，佢地話五點半黎左啦，但間店其實六點先開門，人氣超勁呀！嘩嘩，好多野都想試呀，兩個人又唔試得多，叫住下面幾樣野先。韓國鮮奶果汁蜜桃味 $19韓國飲品除左忌廉鮮奶外，呢隻果汁鮮奶都係我至愛，甜得黎又唔會漏，蜜桃味好香，真係好好飲，但19蚊罐有點小貴。Cider Rita 桑莓味 $38賣相夠哂霸氣，唔點過唔知咁大杯，夠哂兩個人飲。桑莓醬喺底，搞混飲有啲似果汁汽水。隊長沙律 $58類似一般嘅菜沙律，特別在加了藍莓，同沙律醬都係加入藍莓！淡淡嘅藍莓味蛋黃醬，唔酸得黎仲帶少少甜，混入新鮮蔬菜出奇地夾，好味。步兵鍋 $68細鍋版嘅部隊鍋，有腸仔，午餐肉，雜菇，雞蛋等煮成嘅辛辣麵，重有主角芝士一片，搞滆塊芝士同生蛋，等佢地包住啲麵條，好好味，不過有啲膩，多幾個人分著食會好啲。燒肉生菜包 $58泡菜下面有一塊豬腩肉，燒得香口，但泡菜出左水食到成手係，好彩枱上有濕紙巾。鐵板芝梨炸雞 半份 $128半份都超大盤！！有成十幾件雞，中間一舊大cream，下面仲有一堆蕃薯容，食完真係超
嘩嘩，好多野都想試呀，兩個人又唔試得多，叫住下面幾樣野先。
韓國鮮奶果汁蜜桃味 $19韓國飲品除左忌廉鮮奶外，呢隻果汁鮮奶都係我至愛，甜得黎又唔會漏，蜜桃味好香，真係好好飲，但19蚊罐有點小貴。
Cider Rita 桑莓味 $38賣相夠哂霸氣，唔點過唔知咁大杯，夠哂兩個人飲。桑莓醬喺底，搞混飲有啲似果汁汽水。
隊長沙律 $58類似一般嘅菜沙律，特別在加了藍莓，同沙律醬都係加入藍莓！淡淡嘅藍莓味蛋黃醬，唔酸得黎仲帶少少甜，混入新鮮蔬菜出奇地夾，好味。
步兵鍋 $68細鍋版嘅部隊鍋，有腸仔，午餐肉，雜菇，雞蛋等煮成嘅辛辣麵，重有主角芝士一片，搞滆塊芝士同生蛋，等佢地包住啲麵條，好好味，不過有啲膩，多幾個人分著食會好啲。
燒肉生菜包 $58泡菜下面有一塊豬腩肉，燒得香口，但泡菜出左水食到成手係，好彩枱上有濕紙巾。
鐵板芝梨炸雞 半份 $128半份都超大盤！！有成十幾件雞，中間一舊大cream，下面仲有一堆蕃薯容，食完真係超飽。雞炸得香脆帶少少辣，點芝士醬食一流。
牛肉伴飯 $88又係比想像中大盤，用左個鑊上，配料有牛肉粒，泡菜，芝士，芽菜，生蛋，辣醬等，很豐富，由於牛肉係生嘅，襯隻碟熱好快啲撈熟佢。口感不錯，撈埋一齊又唔覺辣喎，好味好味。
兩個人叫得太多啦，食唔哂包走左。
題外話/補充資料：
show openrice可以有芝士炸雞半價架！！
(以上食評乃用戶個人意見 , 並不代表OpenRice之觀點。)
張貼
