影片
更多
2016-12-01
57 瀏覽
無論心情好唔好都咁鍾意食甜品嘅我，一聽到朋友極力推介呢間南山邨嘅甜品舖，即刻搵朋友去試試先。糖室好易搵，門口一望就見到，裝修係咖啡色主調嘅文青風格，環境好舒服。揀左第一樣檸檬柚子蜜冰，第一口就已經係驚喜！啲冰意想不到地超棉超軟，入口即化，冰冰涼涼加上柚子蜜嘅酸甜簡直係開胃首選。食到一半嘅時候終於出現左青檸雪葩同糯米糍！未試過雪葩嘅一定要試下，有啲蘇打嘅味道好特別。真係層層驚喜，芒果糯米糍絕對世界級，煙韌嘅糯米皮包著芒果雪糕，如果再多幾粒就好啦！之後叫左個宇治抹茶心太軟開心share, 抹茶控必點！一切開就見到濃稠嘅抹茶流心，心太軟外層、濃滑嘅抹茶流心、微鹹嘅海鹽雪糕，一次過擺入口簡直係Perfect Match！！價廉物美，埋單除開每人只係$43.5！臨走見到隔離檯嘅鐵板棉花糖好靚，下次一定會再黎食！
無論心情好唔好都咁鍾意食甜品嘅我，一聽到朋友極力推介呢間南山邨嘅甜品舖，即刻搵朋友去試試先。
糖室好易搵，門口一望就見到，裝修係咖啡色主調嘅文青風格，環境好舒服。揀左第一樣檸檬柚子蜜冰，第一口就已經係驚喜！啲冰意想不到地超棉超軟，入口即化，冰冰涼涼加上柚子蜜嘅酸甜簡直係開胃首選。
食到一半嘅時候終於出現左青檸雪葩同糯米糍！未試過雪葩嘅一定要試下，有啲蘇打嘅味道好特別。真係層層驚喜，芒果糯米糍絕對世界級，煙韌嘅糯米皮包著芒果雪糕，如果再多幾粒就好啦！
之後叫左個宇治抹茶心太軟開心share, 抹茶控必點！一切開就見到濃稠嘅抹茶流心，心太軟外層、濃滑嘅抹茶流心、微鹹嘅海鹽雪糕，一次過擺入口簡直係Perfect Match！！
價廉物美，埋單除開每人只係$43.5！臨走見到隔離檯嘅鐵板棉花糖好靚，下次一定會再黎食！
張貼
