武士拉麵 (已結業)

去開尖沙嘴，雖然已經到左泡菜街，但又唔想食韓國菜，試左間武士拉麵，天寒地凍食拉麵真係無得頂喔喔喔喔喔!! 單看門面，已經覺得好有日本拉麵店風味！果然無令我失望牆上好貼心可以掛起自己既外套，另外枱下面都有勾，可以掛袋~叫左碗足利將軍拉麵(黑蒜油豬骨湯拉麵)。一上枱果陣見到成層油係面頭都覺得幾淆底。但原來一食落口，唔係好油膩，反而仲有好香好香既豬骨同黑蒜油味，湯底唔會太鹹，但夠哂濃郁。D湯底真係可以掛係拉麵度咖！溏心蛋都好好食~真係溏心黎lol又香又滑~ 入面仲有兩塊叉燒,大量既爽脆木耳同兩大片紫菜~真田將軍拉麵(豬軟骨拉麵)呢個豬軟骨真係無得輸!!!一咬落去，幾乎係入口即溶，而且非常入味，醃制得好好食,super like!! 湯底望落係有d油，但實質係超濃郁既豬骨湯，且唔會好鹹，真材實料!! p.s. 豬軟骨來自日本哦！店長好有心，幾乎會問每一枱客人既意見，以及介紹自己拉麵既做法。香港係需要呢d有heart既小店rather than 一間又一間既大型連鎖店。