富園冰室

營業中

休息中

住馬鞍山既朋友強力推介富園冰室，係一間新式既冰室，一入到去就覺得樓底好高，裝條好有品味，坐位闊落，岩晒一家人或者同老友聚餐。打開餐牌，就會見到好多唔同菜式，有中西美食、打邊爐、雞煲、海鮮等等。我地今日預訂左海鮮餐，包括有豉椒炒蟶子、椒鹽賴尿蝦、姜葱粉絲肉蟹煲、冰鎮咕嚕肉，老闆仲送左個老火湯比我地，樣樣都好正，員工服務態度又好，今餐食得好滿足。䜴椒炒蟶子蟶子超大隻，足足有成半尺咁長，非常之新鮮，味甜肉厚，加豆䜴和青椒炒至剛剛好，非常夠鑊氣，離遠就聞到䜴椒味，蟶子吸收晒d汁，非常juicy！椒鹽賴尿蝦賴尿蝦中等size，用椒鹽方式泡制，有少少微辡，但係又唔會好似避風塘煮法咁遮蓋左海鮮本身既鮮味。賴尿蝦同樣地非常新鮮，啖啖肉，又甜又鮮美，我地連果堆椒鹽都唔放過，打包左拎返屋企餸麵姜葱粉絲肉蟹煲呢個姜葱粉絲肉蟹煲用了個大瓦煲盛放，一打開煲蓋我地不約而同地嘩左一聲，真係不得了，隻蟹勁大隻，一隻蟹已經夠我哋四個人share，部長話落左成斥葱去煮，好香好惹味！個蟹鉗成個拳頭咁大，見到一絲一絲既蟹肉，味道超鮮甜！食完蟹就食埋d粉絲，吸收晒香葱同肉蟹既精華，而且一d都唔會過咸，好味！冰鎮咕嚕肉最後出場既