佳佳甜品

營業中

休息中

喺今時今日嘅香港想搵一間有水準嘅糖水舖都唔係一件容易嘅事，今日終於比我遇到，成日都聽人講佐敦嘅佳佳甜品好好味，我仲以為又係啲浪得虛名嘅甜品舖啦，終於今日有機會去探一探佢嘅虛實，可能因為係中午嘅關係啦，所以人龍都唔係好多，只有兩三個人排緊隊，所以很快都已經可以入座。我哋就叫咗熱芝麻糊加湯圓。我真係要讚一讚佳佳甜品，佢哋嘅芝麻糊真係真係做得非常之好，坊間有好多嘅芝麻糊都係好似芝麻水，但係佳佳嘅芝麻糊不單止有芝麻味，甜度適中，並不是死甜，重點係芝麻糊而唔係芝麻水。個湯圓好煙韌亦都有好香嘅芝麻味。真係值會票價。