影片
更多
2022-03-12
1612 瀏覽
世界文化深受日本影響已經唔係第一日嘅事，而所屬重要的一欄 — 美食(例如壽司/飯糰)都受世界喜愛，貪佢夠千變萬化。今次就介紹一家來自台灣嘅沖繩飯糰連鎖店。 一講起飯糰(onigiri)連鎖店，一般都會聯想起華xx。但呢個飯糰卻有沙律醬/午餐肉/吉列蝦，更似係musubi(午餐肉握飯糰)。話說沖繩當地有間極人氣店舖專賣豬肉蛋飯糰(pork tamago onigiri)，當然豬肉係指午餐肉啦，而「飯丸屋」就想將呢樣野帶返黎香港。 講返正題，呢間原身平平無奇嘅桃園夜市小店卻成為了當地人大愛，2020年登陸灣仔。因當時疫情原故，呢種適合外賣嘅創意飯糰就受到歡迎。 此店店舖分佈於九龍/港島，但只有荔枝角D2店有少量座位可以堂食，其他全是外賣店。食物最主要有8款飯糰，饀料有炸物/明太子/帶子等。加錢可以叫埋set，包小食可選可樂餅/炸雞/麻糬粒，連多款口味嘅豆漿等。飯糰+ set總共$41至$65有找。 H. 明太子干貝酥$45 我就叫咗個我最愛嘅帶子。選擇堂食嘅食客要自行清潔枱，但堂食位置又好鬼「得意」，枱櫈高度差得好遠而相隔一段距離。你寧願「立食冇櫈」定「有得坐但冇枱」呢? 飯糰用上紙袋包實
一講起飯糰(onigiri)連鎖店，一般都會聯想起華xx。但呢個飯糰卻有沙律醬/午餐肉/吉列蝦，更似係musubi(午餐肉握飯糰)。
話說沖繩當地有間極人氣店舖專賣豬肉蛋飯糰(pork tamago onigiri)，當然豬肉係指午餐肉啦，而「飯丸屋」就想將呢樣野帶返黎香港。
講返正題，呢間原身平平無奇嘅桃園夜市小店卻成為了當地人大愛，2020年登陸灣仔。因當時疫情原故，呢種適合外賣嘅創意飯糰就受到歡迎。
此店店舖分佈於九龍/港島，但只有荔枝角D2店有少量座位可以堂食，其他全是外賣店。食物最主要有8款飯糰，饀料有炸物/明太子/帶子等。加錢可以叫埋set，包小食可選可樂餅/炸雞/麻糬粒，連多款口味嘅豆漿等。飯糰+ set總共$41至$65有找。
H. 明太子干貝酥$45
明太子干貝酥
$45
119 瀏覽
0 讚好
0 留言
我就叫咗個我最愛嘅帶子。選擇堂食嘅食客要自行清潔枱，但堂食位置又好鬼「得意」，枱櫈高度差得好遠而相隔一段距離。你寧願「立食冇櫈」定「有得坐但冇枱」呢?
飯糰用上紙袋包實冇氣口，一打開見到饀料排得整整齊齊，但個袋就超級大，食得好唔方便，建議豪邁地用手食。份量正正常常啦，要加埋小食先至有夠飽，當下午茶食就當我冇講過啦。
明太子干貝酥
$45
197 瀏覽
0 讚好
0 留言
帶子有兩片，$45都算係咁啦。外層炸衣較薄，就唔會有明顯嘅脆感。內裏則白淨透光，水嫩微爽，無雪藏味，我就覺得幾好。
午餐肉切得好薄，食落唔會有強大嘅咸味，外層如果更脆就好。蛋就係經典早餐店吐司裏面嘅玉子燒摺疊式蛋(並不是一般炒蛋)，綿密香口。
明太子醬用火鎗燒過，有層炭香。香甜順滑嘅蛋黃醬加上明太子帶辛感，超級夾，極推！飯粒分明，用上日本米。唯一不足係紫菜，佢唔只淋咁簡單，而佢係用手拎唔實架。
超值套餐+$20
小食：麻糬波波
麻糬波波
$18
174 瀏覽
0 讚好
0 留言
我好奇佢嘅麻糬波波係點，原來只係比芋圓大少少，用竹籤吉起，好似咖喱魚蛋。外層分別有紫薯/番薯味，煙韌極為有嚼勁，厚身但有少少乾。
麻糬波波
$18
134 瀏覽
0 讚好
0 留言
內裏都係芋泥，綿密糯身，加埋有兩個層次，唔算太甜，當小食過口癮一流，而且有八粒。
飲品：黑芝麻豆漿
細細杯但都足夠，杯又矮矮地好得意。黑芝麻蓉會沉澱，記得要攪勻。豆漿有絲滑嘅豆香加上黑芝麻嘅濃厚，係唔錯嘅。
張貼
