正斗粥麵專家 (景光街)

營業中

休息中

今日去開跑馬地搵個friend順便食個晏，見到呢間正斗榮獲2023年米芝蓮推介，仲要係連續十五年喎，就試下佢有幾巴閉。兩個人叫咗碗大雲吞麵、乾炒牛河、炸兩同桑寄生蛋茶，好飽好滿足。雲吞麵：雲吞在哪？原來在最底，每粒大小一致，剛好一啖一粒，蝦味極鮮。因為太好味，成粒擺落口，完全無咬開過睇下入面有咩料。而麵質都算彈牙，無鹼水味，實在難得。乾炒牛河：食乾炒牛河最怕佢太油，但正斗呢碟望落少少油，但食落無油膩感。同埋無舊牛肉都好滑有牛味，正~炸兩：喜出望外，可能上星期食過炸兩，有比較有傷害，正斗個炸兩係超級好味！！！個樣似係啱啱炸起，好脆，皮唔厚，個豉油要讚，一倒出嚟已經聞到嗰種鮮味，令到成個炸兩提升咗。桑寄生蛋茶：連款經典糖水唔係度度都有得食，正斗呢碗微甜得嚟又有茶嘅回甘味，水準非常高。總括嚟講，正斗都幾高質呀，成日見啲食評話服務態度差，又唔多覺喎，我話冷氣太凍姐姐都幫我換位，仲唔晒自己酙茶，以食雲吞麵嚟講係一個好好嘅體驗。