沾仔記 (兆英商業大廈)

營業中

休息中

每次嚟中環都必定去呢間老字號麵店，鍾意佢環境舒適，地方乾淨，最緊要係堅好食👍👍。叫咗個雲吞鯪魚球蛋麵$40，中環區黎講佢都算係抵食，佢自家製嘅鯪魚球同雲吞真係大得好誇張，比乒乓波還要大。鮮蝦雲吞彈牙爽口，鮮味十足，裏面啲蝦新鮮又大隻，7分蝦肉， 三分豬肉。鮮製鯪魚球滑中帶爽，食起來口感豐富，有回彈感覺，無魚腥味，鮮味十足。佢嘅蛋麵亦係叫人讚不絕口，麵條分明，爽口之餘又冇鹼水味，令人齒頰留香。食過呢個麵以後就唔會想食其他店嘅雲吞麵🤣🤣。