舍利鮨 (已結業)

今年第一年同男朋友拍拖周年。有儀式感嘅我哋當然要食得好d☺️喺網上面search之下，搵到喺元朗嗰度有一間好多人推薦嘅日式餐廳。而且comment都幾好。所以我就早早book定位同男朋友嚟試吓。餐廳嘅門面同入邊嘅裝修都好靚，好日式嘅感覺，好似去咗日本咁。而且環境都好舒適同坐得好舒服😌。真係就算坐耐啲都唔會厭🤣食omakase 嘅好處就係可以見着廚師煮嘢俾我哋食。知道佢點樣去處理新鮮嘅食材。感覺就好似睇緊人表演咁。呢個我覺得幾特別👍🏻嘢食方面都幾新鮮。先講個北海道仙鳳趾生蠔。蠔肉非常肥美。入口鮮味，再連埋喺上面嘅醋味啫喱一齊食，感覺幾清新。而醋味亦都唔會覆蓋左蠔嘅味道。反而令蠔味更濃郁。呢個配搭非常之好跟住就係金目鯛壽司。口感非常彈牙，味道爽甜，就算唔點豉油同Wasabi，都已經好夠味👍🏻再配埋壽司飯。味道啱啱好，唔會覺得太漏👍🏻之後就係鰹魚醬油漬。醬油味比較重，但絕對冇搶過鰹魚嘅味道。鰹魚味道非常濃郁。連埋蔥仔一齊食啱啱好中和返個味道。令到成件事有好新鮮嘅感覺。呢個比較有驚喜！另外一個我覺得好唔錯嘅就係左口魚磯邊卷。首先佢個賣相已經好吸引。紫菜包住魚肉呢個食法我都係第一次試。但味道鮮甜，