相馬日式火鍋 觀塘

營業中

休息中

天氣逐漸轉涼，又到左打邊爐嘅季節，今次試咗呢間相馬日式火鍋，呢度嘅氣氛都幾chil，火鍋係任食放題，總括嚟講食物幾新鮮、服務都幾好，值得推介👍🏻呢間鋪最有名嘅係芝士龍蝦湯茶碗蒸同埋任食惹味龍蝦雞煲。龍蝦肉幾新鮮，再配上濃郁嘅芝士，雞煲嘅龍蝦都幾大隻，龍蝦嘅鮮甜配上嫩滑嘅雞肉都幾入味，出乎意料咁夾😋👍🏻👍🏻👍🏻極尚龍蝦蒸海鮮都好出名，海鮮種類士算多，口感十足亦同時保持到海鮮原來嘅鮮味，配埋醬食就啱晒喇🤩火鍋湯底揀咗豚骨湯✅湯底足料，有滿滿濃厚豚骨風味，無論加咩食材都好夾，特別推介美國特選牛肩胛、豚肉同雞腿肉，吸收埋豚骨香味，真係食到停唔到口💕甜品方面有呢款韓國雪條，打邊爐食雪條真係好滿足，冰冰涼涼都唔知食得幾好滋味🤣真心推薦呢間《相馬日式火鍋》🙋🏻‍♂️