影片
更多
2012-10-15
20 瀏覽
以前放工行返屋企o既其中一條路線都會經過 HERO , 地標黎講 , 佢應該係屬大角咀 , o係港灣豪庭o個邊 , 或者可以話o係九龍"大酒店"對面呢度主要係食三文治 , 焗薯 , 沙律 , 仲有得飲下咖啡 , 食下 cheese cake 以前其實都有興趣黎試 , 只係一直都未食到佢 , 直到見到有團購 , 只須 $ 29 就有一個三文治套餐 , 即刻自行決定買左兩張 , 因為食面包薯條o既 , 唔使問都食妳一定鍾意o家啦 ~ 呢店係自助形式 , 自己拎 Menu 睇完就去收銀櫃枱o個度買票 , 再等叫號碼 , 我見店內有兩部號碼顯示器 , 方便多客人o既時候就算嘈得濟聽唔到店員叫號碼都可以有得睇返 , 唔錯o既設施 ^^我地揀左一個招牌o既肉眼牛扒三文治 , 同黑椒煙薰牛肉火腿三文治開放式廚房 , 可以睇住店員製作三文治 , 大約等左五分鐘就有得攞喇 1. 肉眼牛扒三文治~ 比我想像中大份 , 三文治係用法包造o既 , 熱烘烘又香又脆 , 無平時大大條o既法包密度咁高咁煙韌 , 個芯係好軟但又保留嚼勁 ,比較奶油豬o個種包又未至於係咁軟熟 , 個皮係脆無咁豬仔包咁易散口感就係介乎o
佢應該係屬大角咀 , o係港灣豪庭o個邊 , 或者可以話o係九龍"大酒店"對面
呢度主要係食三文治 , 焗薯 , 沙律 , 仲有得飲下咖啡 , 食下 cheese cake
以前其實都有興趣黎試 , 只係一直都未食到佢 , 直到見到有團購 , 只須 $ 29 就有一個三文治套餐 , 即刻自行決定買左兩張 ,
因為食面包薯條o既 , 唔使問都食妳一定鍾意o家啦 ~
呢店係自助形式 , 自己拎 Menu 睇完就去收銀櫃枱o個度買票 , 再等叫號碼 , 我見店內有兩部號碼顯示器 , 方便多客人o既時候
就算嘈得濟聽唔到店員叫號碼都可以有得睇返 , 唔錯o既設施 ^^
我地揀左一個招牌o既肉眼牛扒三文治 , 同黑椒煙薰牛肉火腿三文治開放式廚房 , 可以睇住店員製作三文治 , 大約等左五分鐘就有得攞喇
1. 肉眼牛扒三文治
~ 比我想像中大份 , 三文治係用法包造o既 , 熱烘烘又香又脆 , 無平時大大條o既法包密度咁高咁煙韌 , 個芯係好軟但又保留嚼勁 ,
比較奶油豬o個種包又未至於係咁軟熟 , 個皮係脆無咁豬仔包咁易散
口感就係介乎o係長法包同葡式豬仔包之間 ,總之就好好味啦 ~~
肉眼牛扒唔係一塊完整o既牛扒 , 而係切左薄片o既牛肉 , 容易撕開
唔使怕會因為咬落去咬唔爛以致個包 d 餡跌晒出黎食到一手都係牛肉以燒汁調味 , 不算太濃太惹味 , 可以保留牛肉o既原汁原味
燒汁帶點酸 , 配合清新爽甜o既紅洋蔥及生菜 , 相當美味可口,
而面包上塗o既牛油都好香好濃滑 , 應該係巴黎牛油 , 同牛肉好夾
2, 黑椒煙薰牛肉火腿三文治
~ 相對起肉眼牛扒 , 呢個較為清新 , 無燒汁o既香濃惹味 , 卻有芥茉汁o既刺激辛辣 , 佢唔似平時食熱狗o個 d 芥苿醬
係比較而且味道重得黎無咁刺鼻嗆喉 , 混入香甜爽脆o既配料
包括生菜 , 洋蔥同蕃茄 , 稍為中和左芥苿汁o個份甘苦味 ,對於我呢 d 唔太喜好芥苿o既食客黎講都覺得呢個汁幾易入口
講到黑椒煙薰火腿 , 當然都相當不俗 , 份量一 d 都唔少 ,
大大片摺起一半 , 變得更有口感 , 堙薰味濃 , 咸香同黑椒味洽到好處
3. 薯條~ 粗大厚身o既新鮮薯條 , 最鍾意有 d 位有條邊仲有 d 薯皮 , 好香脆
同時薯味十足 , 唔會覺得好油膩 , 正 !! 跟餐份量亦絕不吝嗇 !
## 呢個套餐仲跟一杯飲品 , 叫左兩杯汔水 , 都唔細o家 ~ $ 21 真係勁抵
我睇過佢 d 原價都唔算好貴 , 絕對值得再黎試埋其他口味o既三文治 ,
仲有焗薯 , 似乎都會唔錯 , 假如再見到有團購套餐 , 可謂萬物錯過呀 !!
張貼
