Mana Thai Kitchen (已結業)

Mana Thai Kitchen放工同老公食埋飯先返屋企，佢又想飲啲酒。揀咗依家喺灣仔嘅泰國餐廳，有啤酒又有雞尾酒。我哋叫咗蟹肉炒飯、牛肉船麵、泰式烤豬頸肉。蟹肉炒飯炒得好乾身，啖啖都有蟹肉，加上雞蛋、香蔥、炸蒜炒，好香口。牛肉船面同出面泰國餐廳食既有啲唔同，湯底帶少少薑嘅辣，加埋香濃牛湯味，好特別。牛丸好彈牙juicy, 牛肉大大塊半生熟，肉嫩重牛味。成碗船面都好足料，好滿足。烤豬頸肉夠濃味，配酸辣醋汁，超惹味，送酒一流。點左杯荔枝Martini ， 酒味重手，帶有荔枝清香。另外一杯荔枝沙冰，清清地唔算甜👍🏼