影片
更多
2018-06-11
88 瀏覽
取名為616，相信意指淥一淥就食得了吧！行到入去，先入眼簾o既係d 壁畫，描繪o左元朗o既風景，好似南生圍呀聚星樓同大馬路輕鐵呢d，好靚而且仲係純手繪！一面o既bench 仲擺放o左好多舊式玩具，我阿媽同我笑語，以前就係點樣玩住呢d 上鏈跳跳跳，咁就一日。其實呢間牛肉火鍋我之前已經幫襯過食lunch，好似$48 一個火鍋套餐咁，覺得係幾唔錯，於是同屋企人食多一次。晚市係散叫的，每張檯都有部ipad，有晒圖有晒價目俾你自己點菜。o野食未到，先送上西瓜一碟，另外仲擺o左個漏斗，話有個廿分鐘承諾，過o左鐘都未上菜就會送o野，turn out 係無過到鐘。因為無試過食單係牛肉都仔細分咁多個唔同部位，所以叫o左侍應姐姐推介有咩好食。首先佢叫我地試下新o既酸菜或者鮮青椒湯底，我地揀o左鴛鴦酸菜牛骨($78 無加一)，酸菜部份好香同帶點麻辣，我媽幾喜歡，而牛骨湯則幾足料去熬製，本身d 牛骨肉煲到好腍。侍應細心問我地鍾意腍d、有咬口d 定牛肉味重d，我話想試下牛味重，佢就推介o左封門柳($68)。睇落好深色o既一碟，食落味道真係幾濃郁，有少少似肉眼扒o個隻味。另外我地仲叫o左隻手打牛滑($48)，呢個
其實呢間牛肉火鍋我之前已經幫襯過食lunch，好似$48 一個火鍋套餐咁，覺得係幾唔錯，於是同屋企人食多一次。晚市係散叫的，每張檯都有部ipad，有晒圖有晒價目俾你自己點菜。o野食未到，先送上西瓜一碟，另外仲擺o左個漏斗，話有個廿分鐘承諾，過o左鐘都未上菜就會送o野，turn out 係無過到鐘。
因為無試過食單係牛肉都仔細分咁多個唔同部位，所以叫o左侍應姐姐推介有咩好食。首先佢叫我地試下新o既酸菜或者鮮青椒湯底，我地揀o左鴛鴦酸菜牛骨($78 無加一)，酸菜部份好香同帶點麻辣，我媽幾喜歡，而牛骨湯則幾足料去熬製，本身d 牛骨肉煲到好腍。
侍應細心問我地鍾意腍d、有咬口d 定牛肉味重d，我話想試下牛味重，佢就推介o左封門柳($68)。睇落好深色o既一碟，食落味道真係幾濃郁，有少少似肉眼扒o個隻味。另外我地仲叫o左隻手打牛滑($48)，呢個好好食呀！佢會較羶，不過卻有種自然o既鮮甜。
封門柳 ($68)
19 瀏覽
0 讚好
0 留言
手打牛滑 ($48)
8 瀏覽
0 讚好
0 留言
手打牛滑
27 瀏覽
0 讚好
0 留言
蔬菜類試o左隻叫水蓮o既菜($28)，一大捆咁，味道少少似豆苗，幾清爽。打親邊鑪實叫金菇o既我當然都叫o左一份($18)，中空o既內心吸o左d 牛骨湯，味道靈舍好食！
飲品點o左枝菊花桂園露($9)，唔貴而且係新鮮自制的！淡淡o既菊花糖水，甜度唔高，仲加入o左圓肉同杞子，絕對係食完火鍋下火o既好選擇~
張貼
