馬家莊清真館 (已結業)

今日下午我們去咗深水埗長沙灣道嘅「馬家莊清真館」食下午茶！我們叫咗牛肉餅、紅燒牛腩湯麵同上海雲吞湯麵！牛肉餅係新鮮即叫即煎，餅皮極之薄身，肉汁非常多，諗著撕開一半嚟影相，熱辣辣嘅牛肉汁已經流晒出嚟，真係超好味呀！紅燒牛腩湯麵嘅湯底清甜香濃，牛腩嘅肉質好香滑鬆軟！上海雲吞湯麵嘅麵質比較腍身同唔係好彈牙，雲吞嘅皮都幾滑，餡料都幾惹味！