天勝

營業中

休息中

又係時候約食飯，今次我選地點-銅鑼灣，餐廳就由識飲識食嘅好友訂位，佢話想食日本菜，我當然舉腳贊成，之後原來佢訂咗我一直都好想去食嘅「天勝」，果然係真好友！「天勝」位於恩平道亨利中心，即銅鑼灣希慎出口再行上一分鐘左右即到，非常方便。一出𨋢即見「天勝」二字，好有氣勢。餐廳環境亦傳承日本餐廳細緻又有氣氛，眼見在場有幾枱日藉客人，又有日本師傅正在料理，食物一定正宗又美味。服務方面一樣貫徹到日本服務質素，時時刻刻關心客人需要、不斷主動添茶+換碟，細心周到，真的值得一贊！食物選擇繁多，刺身及海鮮選擇就係本日推介手寫板上呈現，大概確保以最新鮮最時令食材供給客人，餐廳對食物質素之高可想而知。至於餐牌上無論前菜、寿司、燒物、煮物、揚物、食事等各種類料理、Sake酒精類及各類飲品真係超多選擇，今晚我哋嘅豐富大餐就點咗：<< 塩辛螢光魷魚 >>本日推介之選，亮晶晶閃令令嘅螢光魷魚，賣相已經非常吸引。入口非常鮮味中帶點塩辛，滑啫啫嘅感覺，刺激起味蕾食慾，好好食。<< 公魚天婦羅 >>另一道本日推介，整條公魚以天婦羅烹製，外脆內魚肉鮮嫩，魚骨幼細得