風流居酒屋 (已結業)

大圍區，真係多咗好多餐廳，而且唔好睇小大圍區，真係都可以搵到好多優質嘅餐廳！其中一間今日食lunch嘅時候發現到真係非常興奮！！本身自己好鍾意食日本嘢，見到呢一間風流居酒屋就即刻入咗去試吓😍❤️我自己今次叫咗呢一份左口星鰻丼！一望到呢個賣相就已經非常吸引，有好大條嘅星鰻！而且仲要係兩條大大條擺喺面前，真係已經非常吸晴🤤重點嘅係，星鰻真係比普通嘅鰻魚更加美味！鮮甜味十足，而且配合埋小小嘅醬汁，擺入口嘅時候油脂分泌極佳！令到成個口腔都充斥着鰻魚嘅味道😍😍再加埋有左口魚喺度，令到成個丼飯都非常好味！