食鮮

營業中

休息中

今日好開心去食燒海鮮，因為一邊食燒海鮮，一邊飲嘢，一邊傾計係人生其中一個最佳享受！我哋兩個好姊妹叫咗個二人餐，裏面有秘製蒜蓉燒西非八頭大虎蝦、招牌秘製蒜蓉燒扇貝皇、鹽燒日本鯖魚、秘製燒安格斯牛仔骨、孜然雞軟骨、清香翠玉瓜。另外我哋仲叫多個燒豆腐卜同埋燒聖子皇等等先講下個大蝦，真係好大，係大過平時食開嘅大蝦嘅兩倍，肉質有彈性，味道鮮甜，真係好新鮮。個扇貝皇同埋聖子皇都係啖啖肉同埋好鮮甜多汁！燒牛仔骨口感好，唔會話overcook。豆腐卜加埋啲秘製醬汁非常惹味。其實樣樣餸都好好味，下次再嚟要試吓其他款式，諗起都已經開始覺得肚餓啦!