養心殿台式養生鍋 (已結業)

朋友推介就同屋企人去幫襯下9：30後入座有7折優惠，今日仲有一蚊麻辣小龍蝦，簡直係物超所值呀。除咗麻辣小龍蝦辣道適中肉質Q彈外，我仲推介牛味十足入口嫩滑嘅手切牛，Q彈香口嘅牛胸爽，香港少見嘅台灣水蓮菜同充滿梅菜香味嘅梅菜豬肉丸。最後再加個芝麻湯圓就完美結尾嘞。另外，不得不讚店員老實，本來我訂9點枱，但店員主動提我9點半有7折，咁又幫我慳幾百。員工雖然忙，但keep住好有禮貌。希望市道好時，可以增加人手喇！