大叻越南牛肉粉餐廳 (已結業)

今日我哋一家人星期日行完街冇嘢做，工人姐姐又休息就去咗屋企樓下在越南餐廳晚餐。 上次就同老婆嚟食下午茶餐，今日就特登嚟品嚐最出名嘅豬扒飯。一我哋全部都係叫晚餐嘅，四五十蚊起，加埋碟無骨鳳爪、 同埋一客串燒雞沙嗲。 晚餐全部都送兩條越式春捲都幾抵㗎，包埋杯嘢飲凍飲加三蚊。豬扒係即燒入口即溶，骨入曬味真係冇得頂 而沙嗲配埋個獨有沙爹醬汁 ，都係剛燒起 冇得彈呀 泰式無骨鳳爪加埋其他一啲洋蔥同埋葱撈埋食惹味非常，亦是不錯的選擇 。太太叫了個生牛河味道超得，用牛骨湯底真係正！ 另外扎肉雞絲撈檬同埋扎肉雞絲湯河，我兩隻化骨龍都吃到津津有味！總括而言呢間越南餐廳已變成我們的飯堂了