貴緣小鍋米線 (崇潔街) (已結業)

超正腩肉雞絲螺旋藻米線🍜($55)湯底酸辣度足，好開胃，而且唔會太濃，因為有時好驚食米線啲湯杰得濟變到食撈米線咁🤨，重點係食落唔油！米線係司令喜歡個種，軟淋得黎又彈牙既，食落冇咁易斷。抵讚係佢既餸係比得超足，舖到全碗都係，望落都開心！腩肉少少辣好惹味，食落有肥有瘦，雞絲好索湯，不過食得多覺得有啲dry，因為佢係偏瘦既，螺旋藻同樣勁多，食落好滑，索曬湯好正😎。雖然舖頭細細，但係難怪咁多人嚟食！