UG Elements 有機農場.餐廳.市場

營業中

休息中

話說本人係口水雞超級fans，食親飯有口水雞我絕對唔會揀第二樣。朋友話中環中心附近有間叫UG既餐廳口水雞好好食，話身為口水雞狂魔既我一定要試下。但係呢，我返東九，都住九龍，幾時先漂洋過海去中環呀。 But我無啦啦手痕openrice左朋友口中既餐廳，哇，竟然新蒲崗都有呀正。於是我二話不說沖左去食。重點黎啦，呢度既雞係走地雞！！重要的事講三次，走地雞！走地雞！走地雞！係肉質緊實，皮薄脂肪少果隻雞，唔係平時街果隻食飼料長大既大肥雞。每一啖都有雞肉的鮮甜同川椒的香辣，配白飯一流。在唸起都忍不住流口水既口水雞，大力推薦！見到menu仲有雞煲（都係走地雞呀！），搵日再試下先：P中意口水雞既朋友唔好錯過啦。