香宮

營業中

休息中

相隔一段日子再到訪位於九龍香格里拉酒店中菜廳內嘅香宮食物同服務質素依然保持水準 一坐低就送上杞子菊花茶同蜜糖合桃合桃係香宮自家調製深褐色嘅合桃外面黏滿蜜糖脆口得嚟帶點甜不知不覺就掃晒一碟厚顏無恥地問有無得refill點知侍應二話不說就奉上一碟新嘅真係細心又貼心 今次唔散叫反而試咗信用卡優惠嘅套餐套餐連甜品一共有六道菜 📍香宮精選三寶薈萃 – 分別有化皮乳豬件、極品蜜汁叉燒皇及蒜泥海螺片。乳豬連皮帶肉，肉質嫩滑。而半肥瘦嘅叉燒肉，鬆軟入味，充滿肉香同蜜汁甜香，令人回味。 📍海底花膠羊肚菌燉雞 – 雞湯燉得好鮮甜而唔肥膩，而且好足料 📍韭黃油泡斑球 – 斑球好新鮮，肉質爽滑，但唔知係咪因為用油泡處理嘅關係，成碟餸感覺好油膩，食完後成嘴都係油 📍米湯鮮蟹肉浸菜苗 – 採用大量蟹肉烹煮，每一啖都充滿蟹肉，米湯味淡襯托出蟹肉嘅鮮甜，而鮮嫩嘅菜苗亦吸收晒蟹肉同米湯嘅鮮香，味道非常配搭 📍原籠荷葉香蒜溶蝦球蒸糯米飯 - 用荷葉包住糯米飯同蝦嚟蒸 ，米飯吸晒蝦肉同蒜溶嘅精華，入口甘香豐腴，加上荷葉嘅清香，完全唔會覺得膩滯 📍川貝陳皮蜜餞桃膠燉原個雪梨 – 單睇菜名已知道好滋補，果然燉湯好足料，用上原個