影片
更多
2022-04-19
3284 瀏覽
聖誕復活節假期每個人都去離島，我哋就嚟過反向，喺復活節期間去咗中環食午餐，出奇地冇乜人。餐廳位置位於地牢，本身有個唔係咁好嘅感覺，因為喺地牢嘅餐廳通常都唔好食。不過今次打破咗我呢個觀感。首先值得一讚嘅係呢度嘅服務非常之貼心，每個staff都好attentive，多謝佢哋為我哋呢個午餐帶嚟咁好嘅service！另外，呢度嘅嘢食亦都非常之超水準。啱啱坐低已經送上sourdough and baguette，雖然唔係佢哋整，只係order返嚟，但係亦都非常之好食！sourdough外脆內chewy，有sour taste 足證佢ferment得夠時間，唔係一般商業式嘅扮sourdough。一間餐廳好唔好，其實睇佢嘅bread basket就已經略知一二，而呢一次出色嘅bread basket就為我哋嘅午餐開始完美嘅序幕。Appetizer - steak tartare，牛肉新鮮，而調味亦都唔會太過分，唔會蓋過咗牛肉本身嘅味道。而佢附上pesto sourdough亦非常香口。主菜我食咗lamb chop,非常之香口亦唔會太羶。而佢嘅配菜綠豆同埋薯蓉真係好出色，冇諗過呢兩個配角可以咁好食。綠
餐廳位置位於地牢，本身有個唔係咁好嘅感覺，因為喺地牢嘅餐廳通常都唔好食。不過今次打破咗我呢個觀感。
首先值得一讚嘅係呢度嘅服務非常之貼心，每個staff都好attentive，多謝佢哋為我哋呢個午餐帶嚟咁好嘅service！
另外，呢度嘅嘢食亦都非常之超水準。啱啱坐低已經送上sourdough and baguette，雖然唔係佢哋整，只係order返嚟，但係亦都非常之好食！sourdough外脆內chewy，有sour taste 足證佢ferment得夠時間，唔係一般商業式嘅扮sourdough。一間餐廳好唔好，其實睇佢嘅bread basket就已經略知一二，而呢一次出色嘅bread basket就為我哋嘅午餐開始完美嘅序幕。
Appetizer - steak tartare，牛肉新鮮，而調味亦都唔會太過分，唔會蓋過咗牛肉本身嘅味道。而佢附上pesto sourdough亦非常香口。
主菜我食咗lamb chop,非常之香口亦唔會太羶。而佢嘅配菜綠豆同埋薯蓉真係好出色，冇諗過呢兩個配角可以咁好食。綠豆非常之鮮嫩，以薯蓉加上香草亦非常清新。
同行有人食咗呢度嘅牛扒，非常之驚為天人咁好食，下次你一定要試吓！
甜品就稍為遜色，亞洲人始終唔係好鍾意食太甜嘅甜品，可能會稍微扣分。other than that, everything is just on point!
張貼
