NUTTEA (旺角中心第一座) (已結業)

想試呢間台灣過江龍好耐🤩佢地嘅特別之處在於用堅果奶取代牛奶，造出一系列堅果奶飲品😋 佢地嘅堅果飲品係用五種堅果：榛子、杏仁、腰果、夏威夷果仁同埋合桃。今次我地就試咗2款奶蓋茶～堅果奶蓋份量好多好厚，佔接近1/4杯，口感超綿密，唔會好似平時嘅芝士奶蓋好快就融化，所以Nuttea仲會畀一個鏟仔用黎潷奶蓋食🤤 杯蓋上面仲有貼紙教你先食奶蓋，再舉高隻杯飲茶同奶蓋，最後就攪勻黎飲，一杯可以飲到3種感覺😆由於堅果奶蓋真係好濃厚，飲完真係飽到好似食咗一餐飯咁🤣🙈•🥢 伯爵朱古力奶蓋茶$46朱古力奶蓋好濃朱古力味，不過偏甜，有少少遮蓋左堅果味，伯爵茶底茶味唔算好濃，但幾清新，一齊飲可以解膩～ 所以呢款都建議跟最後個步攪拌黎飲•🥢 芒芒堅果奶蓋茶 $42堅果奶蓋上面有芒果粒，原味堅果奶蓋比朱古力味奶蓋有更濃嘅堅果味同鹹味，最明顯係榛子，茶底都加左好多芒果肉，芒果唔酸，整體芒果味都幾濃，但有少少搶左茶味，如果攪拌黎飲就會完全蓋過茶味，所以唔推薦攪拌黎飲•除咗兩款口味嘅堅果奶蓋都可以成杯買返屋企，仲有1L嘅樽裝堅果奶可以買，可惜今次去嘅時候未有得買，下次再買黎試下先😋