爆丼屋 (已搬遷) 新店位置

未出發去到日本，喺香港都要食魚生刺身止下癮，今日嚟到九龍灣MegaBox搵食，經過門口就俾爆丼屋嘅餐牌吸引咗，每一款魚生丼都超級浮誇，非常澎湃滿到瀉咁，由於本人非常鍾意食海老同埋左口魚，所以順理成章我點咗北海道盛丼，仲有海膽魚子同帆立貝，一嚟到簡直胃口大增，味道都非常新鮮，完全值得呢個價錢，其實我都覺得幾抵食。另外點左三文魚配吞拿魚蓉丼，又係浮誇至極，味道非常之好。牛舌味道都不錯，絕對值得一再光顧，如果大家想食平靚正魚生丼，一定要去爆丼屋。