爆丼屋 (已搬遷) 新店位置

同屋企人嚟咗MegaBox行街，搵咗好耐都搵唔到心水嘅餐廳，咁啱係低層見到呢間爆丼屋，見佢張Menu嘅賣相都唔錯，所以就行咗入去試一試。我叫咗一個當飯係有三文魚刺身同埋吞拿魚用嘅，佢上菜嘅賣相同佢喺Menu都好相似，刺身嘅份量都真係唔少，但係飯就略嫌唔係好多，對於一啲食量較大嘅朋友，可能就未必會夠飽。佢嘅刺身都算係幾新鮮，唔會好梅。另外佢每一個刺身丼仲會配有一碗麵豉湯，味道都好好飲。整體來講我都幾推薦呢間餐廳，對於鍾意食日本菜嘅朋友都可以試一試。