海街丼 (E-Max) (已結業)

來自日本嘅海街丼喺香港已經開咗三間分店啦，可想而知香港人係幾鍾意食日本菜。最近佢地推出咗推出「釜飯」即係日式煲仔飯 - 海膽鍋燒蓋飯。冬天食煲仔飯暖身，又可以品嚐到新鮮嘅日本海膽，實在太吸引啦。煲仔飯有單點或者「釜飯」二人套餐($550)，套餐有前菜、湯、刺身、炸物同埋飲品8道菜組成，抵食啲又可以試到唔到菜品。不過數量有限，想食要至少提到一日打電話預訂~落完order冇耐，店員就陸續將菜品上枱，然後開始煲飯。擺到成枱都係美食，好開心呀~飲品我哋揀咗菠蘿味果酒，鮮甜嘅菠蘿味加咗冰好易入口，酒味較輕，唔識飲酒都啱食架。我就相當鍾意，當晚仲去超巿買咗一支返屋企諗住過年慢慢嘆。冷盤前菜有柚子蘿蔔、日式凍辣蕃茄、海街丼沙律、麻醬吞拿魚。【日式凍辣蕃茄】fresh爆嘅蕃茄酸中帶甜，再加少少辣味刺激，幾特別；【海街丼沙律】除咗新鮮沙律菜、蕃茄，仲有年糕、蟹柳、日式魚蛋，不過味道就鹹咗少少。【時令刺身兩點】係油甘魚同拖羅，兩款都魚油豐富相當肥美，食完滿口魚油香，極之新鮮。【日式炸雞件】炸到熱辣辣，雞肉嫩滑多汁。【清酒煮蜆】細粒咗啲但蜆肉幾爽口，酒味鮮味平衡。食到咁上下，店員將海膽放入釜飯，再加入生蛋黃