佳牛美酒 (已結業)

為左幫「牛魔王」好姐妹慶祝生日，我特登搵左呢間專食靚牛既餐廳。店舖面積唔係好大，唔係容納到好多人，所以唔會太嘈，可以靜靜地傾下計，環境好舒服。食物方面，我地就要左個極尚二人前餐，食完就知道呢個價錢其實係超級抵，因為每一道都好高質!首先有前菜芝麻沙津同埋2款漬物，木魚醬蒜頭&紅酒萵頭，幾開胃。然後就開始燒物部份喇。餐廳好貼心準備左紙圍裙防止彈油。而且仲有3款醬汁，海鹽、自家製胡椒汁同燒汁，師傅會話比你知每一道食物應該配咩。首先有北海道帶子。巨型帶子係刺身級，師傅輕輕燒表面，入面仲係生生地，面頭加少少蘋果蓉，唔需要任何醬已經好享受!之後有最頂尖既日本A5和牛!首先有牛板腱加少少洋蔥蓉薄燒，牛板腱肉質緊實、略帶嚼勁。 再有牛三角，牛三角係前膊同後肩既肌肉，油份多，甘香入口即溶! 食完日本牛就有澳洲和牛牛小排。牛小排肉質比較實，肉味濃，加上胡椒汁係絕配。然後就有美國熟成厚牛舌，牛舌經過14日熟成，肉質軟嫩亦增加肉質甜度。食左咁多肉，係時候食番D蔬菜。有滿滿黑松露味既雜菌。同埋白酒牛油鮮露荀。接著有自家製檸檬雪葩清一清口腔，迎接今晚既重頭戲- 澳洲和牛純種M9+牛柳!牛柳燒到3成熟岩岩好，肉質精