影片
更多
2020-03-20
385 瀏覽
最近疫情關係，我地都少左出街食，但男朋友生日，都要出街輕鬆下，食餐好既！之前黎過呢度食buffet，覺得好正！所以今日再黎食過！不過唔係buffet，而改左係set dinner ，大家都食得安心！一入酒店大堂就會有職員探熱，確保食客或住客健康。大堂同餐廳入口都有消毒搓手液，做足清潔！酒店防疫措施做足，大家安心，加分！！轉左做set dinner，食物由職員送上，唔洗自己拎，其實都幾舒服，哈哈！刺身有五款，甜蝦、尤魚、希靈魚、三文魚同吞拿魚。刺身新鮮，無腥味，好鮮甜！尤其是希靈魚，之前食過既都會有啲苦味，但呢個無腥，好甜同爽口！正！海鮮盤海鮮超多！有大蝦、龍蝦仔、蟹腳、東風螺、青口、蜆同鮑魚等！超豐富！超吸引！海鮮新鮮，清甜爽口！勁！只鮑魚成個檸檬甘大！鮑魚肉好爽口彈牙！蟹腳有少少咸味，因肉質夠新鮮，起肉時唔會痴住啲殼，啖啖肉，正！沙律右邊既柚子沙律有驚喜！個汁應該係泰式酸辣醬，撈埋酸酸甜甜，好開胃！蘑菇湯同毛花果雪梨中湯個中湯好多料！食落好甜，係發自材料既甜味，完全無落味精！疫症下潤喉一流！超正！仲有餐包，但唔夠位放相，俾唔到大家睇主食叫左個純種韓牛1++西冷set超超超好食！呢個一
之前黎過呢度食buffet，覺得好正！所以今日再黎食過！不過唔係buffet，而改左係set dinner ，大家都食得安心！
一入酒店大堂就會有職員探熱，確保食客或住客健康。大堂同餐廳入口都有消毒搓手液，做足清潔！
酒店防疫措施做足，大家安心，加分！！
轉左做set dinner，食物由職員送上，唔洗自己拎，其實都幾舒服，哈哈！
刺身
有五款，甜蝦、尤魚、希靈魚、三文魚同吞拿魚。刺身新鮮，無腥味，好鮮甜！尤其是希靈魚，之前食過既都會有啲苦味，但呢個無腥，好甜同爽口！正！
海鮮盤
海鮮超多！有大蝦、龍蝦仔、蟹腳、東風螺、青口、蜆同鮑魚等！超豐富！超吸引！
海鮮新鮮，清甜爽口！
勁！只鮑魚成個檸檬甘大！鮑魚肉好爽口彈牙！
蟹腳有少少咸味，因肉質夠新鮮，起肉時唔會痴住啲殼，啖啖肉，正！
沙律
右邊既柚子沙律有驚喜！個汁應該係泰式酸辣醬，撈埋酸酸甜甜，好開胃！
蘑菇湯同毛花果雪梨中湯
個中湯好多料！食落好甜，係發自材料既甜味，完全無落味精！疫症下潤喉一流！超正！仲有餐包，但唔夠位放相，俾唔到大家睇
主食
叫左個純種韓牛1++西冷set
超超超好食！呢個一定要食！
叫左五成熟，肉質超稔，超juicy！雖然佢有個汁同成十款既調味，我地完全無落，因塊扒好靚，唔洗點調味已勁好好食！
粉紅色既肉，好吸引！脂肪比例好好，咬落去好多肉汁同牛既香味！加上牛既油脂好香，令到塊扒更稔，更香，口感同味道都一流！無得彈！
$358 set
扒類同薯條都可以任食！估唔到酒店都可以任食扒！正！有西冷、肉眼、T骨、牛柳同牛仔骨等。鍾意食牛既你真係唔好錯過！食多一兩塊就返本，好高質！
澳洲穀飼肉眼扒
厚厚一塊！好香牛既羶香味，雖然係肉眼，但肥肉同筋唔會太多，食落好稔，啖啖肉，正！
T骨
呢個有骨，所以我地叫左熟啲，煎到好香，肉味都濃。
甜品
芝士撻細細個，一口剛好，濃芝士味！
好喜歡佢個香芋奶凍，好滑，好香香芋味！
超級滿足既一餐！無論服務同食物都一樣甘高質素！推薦推薦！
張貼
