叠記咖喱麵食

營業中

休息中

澳門🇲🇴開業近80年老字號，開到嚟香港，我終於有機會去試吓！ 分店有三間，都集中在油尖旺區，今次去佐敦這間。 無華麗裝修，但牆上掛住「一根扁擔，三代人堅守澳門咖哩味道」卻好搶眼！ 主打麵食，亦有飯、小食及下午茶餐～我地點了兩款麵食推介，牛三代麵及咖哩五寶麵，並特別揀咗澳門獨有橡筋粗麵底。牛三代麵比較有驚喜，我都怕辣，所以湯底選了腩汁，而咖哩汁另上，果然名不虛傳，咖哩汁色彩鮮明且濃郁，真係辣到飛起！ 分別有牛腩、牛肉及牛筋，牛腩牛筋好入味，食落軟腍，牛肉嫩滑但無咁入味。 橡筋粗同港式粗麵外型好似，橡筋粗勁爽口，好特別！ 咖哩五寶麵配料好豐富無咁辣！另外仲有水餃配牛骨湯底，水餃飽滿香口。