雪媽糍 (已結業)

中環街市有好多小店，早幾日行過見到有間賣忌廉糯米糍既好似幾吸引，好大粒又好多味道揀，所以就買左6款口味同屋企人一齊黎試！果然好好食呀，個皮好薄又煙韌，D料又好食，食到原材料既味道，唔會好花巧，可以買黎做散水餅呀！記得喺冰箱取出放室溫解凍約5-10分鐘，口感更滑更口味！🟣蝶豆花海鹽芝士蛋糕外型藍色已經覺得好靚好特別，一食落去入面有大大粒芝士蛋糕！芝士味好出，再加上海鹽更加好食，個人最鍾意食呢款。🟠百香果芒芒芒果味既糯米糍食得多，估唔到呢個咁有驚喜，芒果味甜，並唔係化學溝出黎既味道，佢仲加埋百香果，兩者超夾，屋企人大讚！🟡焙茶朱古力粒粒作為焙茶愛好者既我，非常滿意呢個口味，焙茶味好香濃但唔會苦，加埋朱古力粒粒更有口感。🟢小山園抹茶Oreo呢款抹茶味一樣出色，一食就知道用左比較高級既抹茶粉，另外Mix埋Oreo令到味道更豐富！🟣士多啤梨紅桑子呢款口味屋企人亦都大讚，原本以為只係普通士多啤梨味，但原來加左紅桑子係咁Match，提升左另一個層次！🔵Oreo繽紛樂🍪就咁試Oreo會覺得係普通既曲奇味，但入面加左繽紛樂，好少食到呢個組合，兩者加埋又唔會好甜。