影片
更多
2024-09-09
2035 瀏覽
每次經過旺角東站，都會見到呢間色彩繽紛嘅麵包店，趁住就黎打風，一於買返d麵包做儲備。麻糬QQ球 :見到招牌嘅麻糬QQ球，脹卜卜好吸引，又點可以唔買呢？揀咗六款：朱古力Oreo、開心果、脆皮紫薯、北海道牛乳、芝士及綠茶紅豆，首推北海道牛乳，奶味好香濃；脆皮紫薯口感特別，外層好似食緊菠蘿包咁；而開心果夾有開心果醬，面頭佈滿開心果碎，喜歡開心果嘅一定唔可以錯過。麻糬曲奇 :揀咗人氣Top 3嘅特濃朱古力粒粒、開心果，及泰式奶茶，另加一個芝士，大大塊曲奇夾住麻糬，鬆化中帶煙韌。自家手製曲奇 :80蚊有300g，大大袋好抵食，有超多款式，真係樣樣都想試，最後揀咗幾款特別味道及手唧曲奇，手唧曲奇入口好鬆化，當中咖啡味尤其好味；而薄曲奇口感香脆，店員推介燕麥朱古力脆脆，夠晒健康。伯爵茶蛋糕 :一盒有四件，件件都厚切，蛋糕好鬆軟，有清香伯爵茶味，太太好喜歡。芋泥麻糬tiramisu盒子蛋糕 :tiramisu口感幼滑，芋泥棉密，軟熟嘅海棉蛋糕加上煙韌嘅麻糬，整體感覺好夾。南瓜麻糬波波包 :口感軟熟，中間夾住麻糬及南瓜蓉，味道甜而不膩，廿幾蚊有五個相當抵食。糯米糍 :買咗五種口味：檸檬脆脆、大甲芋泥脆脆
麻糬QQ球 :見到招牌嘅麻糬QQ球，脹卜卜好吸引，又點可以唔買呢？揀咗六款：朱古力Oreo、開心果、脆皮紫薯、北海道牛乳、芝士及綠茶紅豆，首推北海道牛乳，奶味好香濃；脆皮紫薯口感特別，外層好似食緊菠蘿包咁；而開心果夾有開心果醬，面頭佈滿開心果碎，喜歡開心果嘅一定唔可以錯過。
麻糬曲奇 :揀咗人氣Top 3嘅特濃朱古力粒粒、開心果，及泰式奶茶，另加一個芝士，大大塊曲奇夾住麻糬，鬆化中帶煙韌。
自家手製曲奇 :80蚊有300g，大大袋好抵食，有超多款式，真係樣樣都想試，最後揀咗幾款特別味道及手唧曲奇，手唧曲奇入口好鬆化，當中咖啡味尤其好味；而薄曲奇口感香脆，店員推介燕麥朱古力脆脆，夠晒健康。
伯爵茶蛋糕 :一盒有四件，件件都厚切，蛋糕好鬆軟，有清香伯爵茶味，太太好喜歡。
芋泥麻糬tiramisu盒子蛋糕 :
tiramisu口感幼滑，芋泥棉密，軟熟嘅海棉蛋糕加上煙韌嘅麻糬，整體感覺好夾。
南瓜麻糬波波包 :口感軟熟，中間夾住麻糬及南瓜蓉，味道甜而不膩，廿幾蚊有五個相當抵食。
糯米糍 :買咗五種口味：檸檬脆脆、大甲芋泥脆脆、開心果、榛子脆脆及草莓脆脆，外皮煙煙韌韌，粒粒都爆餡，當中最喜歡榛子脆脆，味道唔太甜，有濃郁榛子味；而檸檬脆脆就酸酸甜甜，非常開胃。
炭燒榛子咖啡 :
樽仔咖啡好精緻，口感絲滑，有濃濃嘅炭燒香味。
張貼
