影片
更多
2014-03-05
2143 瀏覽
水月餐單背後解釋作：水中月優雅而變幻莫測這正是本餐廳所希望為每位客人帶來的體驗以脫俗優雅的方法表現食材的美配以新派料理及中西互融的烹調技巧令各道佳餚顯得變幻莫測正因如此我們取名「水月」今次係我第二次黎呢度，上次係1月我老公生日，果次係一試忘不了！非常欣賞店主對食物的熱誠，$568無加一情況下，超新鮮外國入口高質素食材，食完覺得自己賺左。今次再黎係因為2月尾收到店主Karen whatsapp通知3月3日有新餐單，雖然未約到朋友一齊去食，但唔緊要，趁老公出外工幹，自己一個去享受食物，好期待呢一日終於到啦！3月3日第一日我先試為快！美食之旅出發！蕃茄啫喱．蒜芯蕃茄白兔糖紙．芝士蕃茄脆片．話梅蕃茄配日本冰菜蕃茄啫喱依然入口自動引爆、清香味道一湧而至，吸引！中間蒜芯蕃茄白兔糖紙待應建議一啖食哂，透明呢塊係細個食大白兔糖外面塊紙，侍應介紹係店主自家研發，真係好兒時感覺，食入口自動溶解，超香濃蕃茄及蒜心味即時出哂黎，好味👍。再食埋話梅味車厘茄，係完美組合！我覺得比之前個組合更正！連d餐具都好有型！清酒高湯鮑魚樽裡面做緊煙燻，打開蓋有d煙飄出黎好香～有原隻加兩嚿切件鮑魚，底下再有鮮淮山、日本海藻，鮑
餐單背後解釋作：水中月
優雅而變幻莫測
這正是本餐廳所希望為每位客人帶來的體驗
以脫俗優雅的方法表現食材的美
配以新派料理及中西互融的烹調技巧
令各道佳餚顯得變幻莫測
正因如此我們取名「水月」
今次係我第二次黎呢度，上次係1月我老公生日，果次係一試忘不了！非常欣賞店主對食物的熱誠，$568無加一情況下，超新鮮外國入口高質素食材，食完覺得自己賺左。
今次再黎係因為2月尾收到店主Karen whatsapp通知3月3日有新餐單，雖然未約到朋友一齊去食，但唔緊要，趁老公出外工幹，自己一個去享受食物，好期待呢一日終於到啦！3月3日第一日我先試為快！美食之旅出發！
蕃茄啫喱．蒜芯蕃茄白兔糖紙．芝士蕃茄脆片．話梅蕃茄配日本冰菜蕃茄啫喱依然入口自動引爆、清香味道一湧而至，吸引！中間蒜芯蕃茄白兔糖紙待應建議一啖食哂，透明呢塊係細個食大白兔糖外面塊紙，侍應介紹係店主自家研發，真係好兒時感覺，食入口自動溶解，超香濃蕃茄及蒜心味即時出哂黎，好味👍。再食埋話梅味車厘茄，係完美組合！我覺得比之前個組合更正！連d餐具都好有型！
清酒高湯鮑魚樽裡面做緊煙燻，打開蓋有d煙飄出黎好香～有原隻加兩嚿切件鮑魚，底下再有鮮淮山、日本海藻，鮑魚好鮮甜，淮山&海藻浸入湯汁好入味，我係飲哂全清！感覺係想再食多一樽可以嗎？
掌上明珠即係上次黎食嘅龍吐珠重新包裝，今次再食依然吸引，外脆內juicy👍
我個人鐘意呢個新presentation,配合店主推廣的食物與藝術！讚！藝術堂用嘅手都玩埋，絕配👍
待應話廚師希望呢對手能代表廚師，親手為客人送上食物！我真係感動左.....好受落！
腐皮窩巴魚湯呢個湯真係不得了！！侍應建議將碗面所有食物壓哂入碗內，熱騰騰魚湯令食物軟化，超愛軟化後嘅腐皮及窩巴，全部同d勁香濃鮮味魚湯混合哂！真係唔講得笑，十級滿足！👍👍👍
青檸泡泡呢支青檸泡泡真係亮點！食飯中間食檸檬sorbet就食得多，將sorbet整人飲管內啜就真係第一次，應該係前無古人！一啖足夠我清一清味蕾再繼續食！好掂👍👍👍
北海道黑毛豬配八珍山渣汁我第一次食豬係停唔到口，d肉係新鮮到帶脆口架，仲要厚切！死未！果陣味好似炭燒香，肉質香嫩！連d配菜都係香甜！個汁做得好出色，酸中帶甜，中和肉嘅膩口感覺，如果汁再多d更好！
香芒糖波當日有忌簾芝士味，侍應攞到我眼前，眼前一亮！d燈已經靚，加埋黑珍珠色糖波，無得輸！我覺得贏哂坊間所有甜品！芝士蛋糕重新演繹，妙不可言、更勝之前！都係食哂👍
骰盅骰盅內煙燻朱古力，朱古力味道香濃，好岩口味！有得食有得玩！
最後係一壺薄荷花茶，令腸胃好舒服～埋單唔駛加一$568。以呢個價錢食呢餐咁高質素，又非常飽嘅晚餐，我覺得非常超值，難怪咁多人黎食。
最後店主Karen從廚房出黎親自解答大家對食物煮法嘅問題，非常親切👍
佢問我今餐滿唔滿意，講真，點止滿意，直頭超班啦！
衷心多謝水月帶俾我地呢班星斗市民各款高質素美食，我非常同意店主Karen的理念，藝術與食物結合、食得又睇得、高級食材及美食大眾化，唔一定過千蚊或大酒店先食到。👏👏👏
從訂位到用膳係店主Karen親自安排，我好欣賞呢種態度。另外要讚所有侍應，非常細心有禮，從入門口第一刻歡迎起，至最後開門同每位客人講晚安再見，好令人有賓至如歸感覺，讚！
寫呢篇食評最令我困擾係選擇食物推介嘅部份，令我有選擇困難症，因為我在雞蛋內找不出骨頭！整個美食之體驗附合了色香味美的要求，妙不可言！
我一定會再黎！水月，我心中的米芝蓮餐廳！
張貼
