鮮芋仙 (MPM文華商場)

營業中

休息中

近排天氣真係好熱，行吓行吓街要食啲凍嘅嘢降吓溫。去到嘅時候差唔多四點，要排隊，排咗差唔多10分鐘就入得去。入去嘅時候要嗌咗嘢食先坐低，所以排隊嘅時候可以喺門口拎張餐牌諗吓食咩先。叫咗近排幾Hit嘅迷你芒果白玉冰，芒果椰奶西米仙草凍。好失望！😑芒果白玉冰芒果粒細咗啲，冇咩咬口。芒果味亦都好奇怪🥴，有啲似之前優之良品芒果軟糖隻味，超級甜同埋冇新鮮芒果嘅香味，超級Artificial。而白玉就正常，唔會因為啲冰凍而變硬。個冰上面仲有一球雲呢拿味雪糕，冇咩特別。總括係成碗都勁甜好難食。芒果椰奶西米仙草凍一開始搞咗幾下之後就飲咗一啖，飲落去好似飲緊糖漿咁超級甜，應該係同芒果白玉冰嗰啲芒果糖漿一樣，好難飲。成杯野最好味係仙草👍🏻，仙草好Q，滑捋捋。一開始都幾期待食呢間，但係食完之後真係好失望！下次應該唔會再去。