野玩田店 (已搬遷) 新店位置

經過尖沙咀，想食健康啲。見到K11開咗間野玩田店，專賣健康菜式咁我哋就入去試下！我哋叫咗一份香煎日本頂級帶子伴青瓜莎莎，嚟到先知原來帶子係刺身！口感幾特別，但唔算好夾。燒南瓜藜麥無花果沙律配草莓醋就幾有驚喜，酸酸哋加上爽口嘅感覺，食多兩啖都唔覺肥！主菜叫咗牛油果青瓜水牛芝士包意大利飯就唔係幾滿意啦。本身想食健康啲，但呢個main太膩，食多兩啖就開始食唔落。青檸香草燒海鱸魚整得中規中矩，幾好食！好彩叫咗杯Kiwi beetroot juice 中和吓，最後食唔曬不過都有打包走。