影片
更多
2024-10-26
238 瀏覽
URBAN Cafe📍旺角西洋菜南街1N號兆萬中心14樓最近去完朋友屋企玩貓，完全上晒癮，連發夢都夢見一隻隻貓仔！朋友知道後，就book咗枱，放工後帶我去旺角URBAN Cafe，呢度又有得食，又有得同貓貓接觸，仲要無限時，真係爽歪歪！雖然朋友一向鍾意狗多過貓，但當晚玩到唔願走嘅居然係佢，真係令我十分驚訝！ 💰$268Set for 2 👩🏻❤️👨🏻URBAN Cafe有個好抵食嘅二人餐，有前菜、主菜、飯麵、兩份餐湯同兩份沙律，前菜、主菜同飯麵各有好幾款種類供選擇，呢個價錢仲可以玩貓，真係無得彈！+ $28滋味二人小食拼盤 🍟我哋加咗少少錢，升級滋味二人小食拼盤，一次食盡唐揚炸雞、薯條同洋蔥圈。炸雞外脆內滑、薯條香脆可口、洋蔥圈酥脆無比，無論配沙律醬定茄汁都同樣滋味！黑松露芝士野菌忌廉意大利飯 🍄黑松露芝士野菌忌廉意大利飯有大量芝士，口感creamy，帶有黑松露香氣，即使係素食都唔會好寡。西班牙燒烤醬黑毛豬肋骨 🐖 主菜揀咗豬肋骨，燒烤醬濃郁惹味，伴碟蔬菜色彩斑斕，擺盤精美。薯條同樣炸得金金黃黃，整體唔會輸比其他樓上cafe！跟餐包兩杯$38以下嘅飲品，朋友揀咗一杯凍檸茶，一杯Bab
📍旺角西洋菜南街1N號兆萬中心14樓
最近去完朋友屋企玩貓，完全上晒癮，連發夢都夢見一隻隻貓仔！朋友知道後，就book咗枱，放工後帶我去旺角URBAN Cafe，呢度又有得食，又有得同貓貓接觸，仲要無限時，真係爽歪歪！
雖然朋友一向鍾意狗多過貓，但當晚玩到唔願走嘅居然係佢，真係令我十分驚訝！
[價錢 Price]
💰$268
Set for 2 👩🏻❤️👨🏻
URBAN Cafe有個好抵食嘅二人餐，有前菜、主菜、飯麵、兩份餐湯同兩份沙律，前菜、主菜同飯麵各有好幾款種類供選擇，呢個價錢仲可以玩貓，真係無得彈！
+ $28
滋味二人小食拼盤 🍟
我哋加咗少少錢，升級滋味二人小食拼盤，一次食盡唐揚炸雞、薯條同洋蔥圈。炸雞外脆內滑、薯條香脆可口、洋蔥圈酥脆無比，無論配沙律醬定茄汁都同樣滋味！
黑松露芝士野菌忌廉意大利飯 🍄
黑松露芝士野菌忌廉意大利飯有大量芝士，口感creamy，帶有黑松露香氣，即使係素食都唔會好寡。
西班牙燒烤醬黑毛豬肋骨 🐖
主菜揀咗豬肋骨，燒烤醬濃郁惹味，伴碟蔬菜色彩斑斕，擺盤精美。薯條同樣炸得金金黃黃，整體唔會輸比其他樓上cafe！
跟餐包兩杯$38以下嘅飲品，朋友揀咗一杯凍檸茶，一杯Babycchino。望住咁可愛嘅貓貓，飲返杯熱奶，真係非常治癒！
私心同大家分享當日capture到嘅貓貓美照，大家不妨估下我最鍾意嘅係邊兩隻，朋友嘅favourite又係邊一隻？好開心今次揀到URBAN呢一間乾淨、有規模、有格調嘅貓cafe，同好友分享貓貓相後，佢都表示好有興趣去，所以我哋已經約好再去，愛貓人士不容錯過！
張貼
