Issaya Siamese Club (已結業)

我訂左台。有親切既接待員帶我入座。感覺非常良好。第一道菜我叫左個湯。幾好飲。個湯係侍應係我地面前完成。幾有睇頭。飲完我等左40分鐘終於黎個pork ribs。 一般好食。太甜對我黎講。但我朋友話唔錯。戲肉來了。大約一個鐘之後我叫左我期待已久既龍蝦同軟殼蟹。一咬落假龍蝦度。我心裡面講左一個粗口！ 隻龍蝦冇味又乾仲衰過我係出面食300幾蚊自助餐。你收我528蚊一隻。你比d咁既野我食？ 冇野呀嘛？ 個軟殼蟹係好一般。但我食左兩啖已經唔想再食。因為心情真係好差。點解咁貴既餐廳。可以比d咁既質素野我食？老實講。我呢晚埋單用左1400蚊。呢個價錢我係出面可以食到好飽而且好好食！ 我明白呢度係食環境。但你都比我感覺良好d丫！ 比埋d咁既質素我。呢個係騙子既行為。你帶住全亞洲頭50位既餐廳既名。唔係咁囉。我是但走入一間泰國餐都好食過你。順帶一提。甜品唔錯。唔算好食。但比大盤好好多及更有誠意。我呢餐本來嘛需要食45分鐘既飯。最後我食左2個鐘。等既時候比食多。但我唔見好多客人。呢樣係餐廳需要留意既地方。