夢想小館

營業中

休息中

當晚老闆應該有一圍朋友上黎聚餐，明白大家聚會好開心，但大家真係嘈到不得之了，特別係老闆可能想炒熱氣氛。而且二樓較為密閉空間，真係好應聲好有回音，真心嘈到頭都痛埋。同場連我在內有三枱客人，見大家連傾計都有難度。另外咁岩安排嘅位置比冷氣風口兜頭吹足一晚，有嘗試過問職員可否調位但被拒絕，結果食晒成餐飯其他空位都無人坐過😓 雖然職員有協助撥風口位置，但隔一陣又會跌返原位照兜頭吹。食物質素方面都比較一般，枱面嘅玻璃水樽底居然有厚厚一層青苔嘅物體🤢明白呢啲玻璃樽係好難清潔（或者根本唔可以期望有餐廳會認真清潔），但真係見到都怕怕唔敢飲用。有拎過隔離空枱嘅水樽想用，但發現都係一樣咁污糟。仲有膠水壺嘅底都一樣滿滿嘅污糟物🤢🤢🤢🤢🤢可能大家都叫野飲或者飲啤酒無咩點發現，但真係幾倒胃口。成餐飯連加一都$300，但環境嘈雜又冷氣吹爆頭，啲水樽仲生晒青苔，搞到同朋友都食到極度唔開心！