FRITES Belgium on Tap (MONTEREY Place)

營業中

休息中

概要：除非你想體驗下超差嘅服務態度，如果唔係唔建議幫襯。未去過咁差服務態度的餐廳。首先一入到去完全冇人招呼，啲staff個個睇你唔到咁，咁唔緊要啦我哋自己揾位坐。我哋今次見到佢哋做緊會員午巿買一送一優惠，我哋提前已經做咗佢哋會員。叫咗個侍應落單，佢見到我哋個會員版面，一嚟已經質疑我哋係咪真係會員，問我哋嗰幅係咪cap圖嚟，我哋話唔係，佢仲問我哋係咪啱啱入嚟餐廳先申請會員，全程用一個好唔友善、質疑嘅態度，令人勁唔舒服。首先我唔知點解佢會先入為主覺得我哋係假會員？？？第二係，就算入咗餐廳先申請會員，我都唔知有咩問題，咁你個promotion就係會員就可以享用呀嘛。之後我哋根據佢社交媒體網站個宣傳post嚟落單，然後個侍應就好差態度咁話我哋冇呢啲嘢食，原來佢哋每月menu唔同，咁真係唔知呀嘛，點解唔可以好聲好氣講，真係唔知咩服務態度。總括，成個用餐體驗係好差，啲嘢食普普通通，最大問題係比啲咁差嘅服務態度影響晒心情。