影片
更多
2013-05-21
84 瀏覽
話說今日想食清d，去左新城市廣場食壽司派。 呢間餐廳一向都唔錯，當然佢走呢個價位都唔應該太差，點知無去一排，今次徹底中伏。星期六去到都唔駛等好耐，心想今次行運啦，一坐低，馬上發現唔對路。眼前d杯杯碟碟無份完整，件件都崩晒角，一定係d伙記洗碗碟時洗到崩晒老細又唔理啦。不過算了，來食壽司，壽司至係主角。 想攞碟蟹柳壽司，呢d咁普通的壽司其實都應該唔會出事，偏偏唔攞尤自可，攞左把幾火，成份壽司d飯都未落筷子已經成半散狀態，蟹柳東歪西倒在飯糰上，完全唔似係壽司派以前的水準。 跟住來碟三文魚壽司，唔係掛，連成塊魚皮一齊切落來做壽司，仲有成塊黑色的魚鱗黐左係度 大佬，我要三文魚肉，最多都係小小皮連住，但係你成塊皮都未去，仲連鱗片，搞到我即刻超失望，再用筷子夾起，點知都未離開個碟半吋就宣布一斷為二，完全散收收，毫無心機的一舊壽司，最後勉強放落口，有無搞錯，d飯好似唔記得放白醋一樣，係咪中式壽司來架？再望下隔離位叫左個牛肉烏冬，上來的時候牛肉係生的，個客投訴，服務員姐姐話“你放係湯度等陣就熟啦！”唔係掛，咁呢個世界就唔應該有生牛肉河粉同熟牛肉河粉之分啦！ 結果呢位鄰居強烈投訴，終於服務員姐姐話幫佢換過
話說今日想食清d，去左新城市廣場食壽司派。 呢間餐廳一向都唔錯，當然佢走呢個價位都唔應該太差，點知無去一排，今次徹底中伏。
星期六去到都唔駛等好耐，心想今次行運啦，一坐低，馬上發現唔對路。眼前d杯杯碟碟無份完整，件件都崩晒角，一定係d伙記洗碗碟時洗到崩晒老細又唔理啦。
不過算了，來食壽司，壽司至係主角。 想攞碟蟹柳壽司，呢d咁普通的壽司其實都應該唔會出事，偏偏唔攞尤自可，攞左把幾火，成份壽司d飯都未落筷子已經成半散狀態，蟹柳東歪西倒在飯糰上，完全唔似係壽司派以前的水準。
跟住來碟三文魚壽司，唔係掛，連成塊魚皮一齊切落來做壽司，仲有成塊黑色的魚鱗黐左係度 大佬，我要三文魚肉，最多都係小小皮連住，但係你成塊皮都未去，仲連鱗片，搞到我即刻超失望，再用筷子夾起，點知都未離開個碟半吋就宣布一斷為二，完全散收收，毫無心機的一舊壽司，最後勉強放落口，有無搞錯，d飯好似唔記得放白醋一樣，係咪中式壽司來架？
再望下隔離位叫左個牛肉烏冬，上來的時候牛肉係生的，個客投訴，服務員姐姐話“你放係湯度等陣就熟啦！”唔係掛，咁呢個世界就唔應該有生牛肉河粉同熟牛肉河粉之分啦！ 結果呢位鄰居強烈投訴，終於服務員姐姐話幫佢換過 - 後來佢至後悔，再換一碗熟牛肉烏冬要佢等多左成20分鐘。由於係坐迴轉吧枱，看見d師傅全部要不就50過外d師奶，要不就是d剛剛過合法工作年齡的後生新學徒，感覺係星期日親子樂d媽咪帶埋d小朋友來整壽司俾人食一樣，不過收你三十幾四十蚊兩件。 呢班師傅一邊整壽司一邊傾下計，無帶口罩，完全無理衛生問題。
望下另一邊，個師傅帶住對手套整緊d壽司飯，好似好衛生，不過一邊整下壽司，係唔除手套的情況下又繼續拿火槍燒鰻魚，轉頭又去拿電腦單整到一手油墨，再返來又繼續拿白飯整壽司，咁對手套帶來做什麼呢？ 壽司鋪設計咁open，正好是顯示師傅的手藝， 但現在卻是告訴人們一碟碟無心之作背後的原因。 結果我同老友都係兩行眼淚下揚手埋單。 等緊埋單之際，眼前師傅繼續同d同事一邊傾計一邊整d卷物，我真係好難想像會有人肯俾幾十蚊食佢呢份出品 - 好似細路攞來玩咁，大小不一又散又亂，我真係接受唔到囉。
餐廳的材料和以前沒有太大的分別， 但經過不同師傅的加工後竟然有如此大的分別， 真的要向那些用心的師傅致敬。 一句結尾：超市機制d壽司感覺仲好過佢，可惜曾經水平一流的壽司店竟然變成這樣，真的太可惜！
張貼
