Pancake 專門紗織 (已結業)

一日之計在於晨 對於我呢啲好晏起身但係又想食早餐嘅人來講 全日早餐真係我嘅福音😍呢間位於我屋企附近嘅日式餐廳 近銅鑼灣百德新街 裝修非常日式 成個環境都好舒服乾淨 連擺設同裝飾都充滿日式嘅風格 牆上面有好多唔同嘅貓貓圖案😍我今日叫咗呢個全日早餐 裏面有韓國大肉腸，薯餅，溫泉蛋，茄汁豆，烤芝士大菇，薄餅，沙律菜😍 非常之豐富！芝士大蘑菇非常之邪惡 味道非常之濃郁 又香又多汁 除此之外一定要讚下佢嘅韓國大肉腸 唔係人工製造腸 真材實料有肉味 亦都非常之厚身 每次過到嚟都一定要叫！ 早餐點少得薯餅 呢度嘅薯餅好香脆 唔會好油膩 好惹味🙈