楓 (已結業)

收藏左好耐嘅一間餐廳，今日終於有時間同朋友去試下，一間細細間嘅日式餐廳，坐位唔多，但好有日式感覺。一定要叫佢哋嘅日式烤蛋糕，超大一個，2-3個人食都夠，今次揀左焙茶醬，個醬唔會好甜，唔鐘意食甜野嘅都會接受到，仲配左焦糖香蕉同日式丸子🍡。另外佢哋嘅大板燒都好吸引，入面係滿滿嘅料，落嘅海鮮絕對唔手軟。如果一個人黎嘅話，仲可以叫個虎蝦咖哩烏冬，大大隻蝦配上香濃嘅咖哩。佢哋依家仲有好多優惠，一定要搵日再嚟食。