影片
更多
2022-07-19
1385 瀏覽
出街前一晚睇社交平台見到火鍋關注組有師兄討論JK Brother’s，睇睇下資料覺得幾低，平均每人$75，YouTube又有幾條片介紹，最後決定拉埋隻𓃟試下。（其實當日餐廳full booking，但咁岩有客人放飛機，我哋好快就攝到位入座。）餐廳環境都算寬躺，全部食物有蓋冚住，乾淨衛生。其中我最欣賞嘅係佢嘅蔬菜類非常新鮮，唔會話霉霉爛爛又穿晒窿咁。熟食種類亦非常多，可惜見唔到有奶黃牛角包，不過坦白講熟食嘅味道同口感一般，例如小丸子就較為淋身同漿，比較多人攞嘅會係炸魚皮同雞翼，refill速度都好快，但我會建議留肚食多啲肉肉喇！例牌同男朋友打邊爐都會叫壽喜燒湯底，十年如一日。JK Brother’s 嘅湯底個人認為鹹咗少少，食完第一輪就要加返啲水。我仲一開始落左舊花膠唔記得撈返上嚟，當我記得佢存在嘅時候舊花膠已經入哂味，變左棕色的魚咁樣，不過都仲係好大舊無咩縮水。肉類有三款，🐑🐂🐖。真心講呢個價錢有羊肉食真係好驚喜。雖然肉就薄身啲，但任嗌嫁喎！店員周不時就會推住架車仔問每枱客人需唔需要加肉。不過唔知係咁啱我嗰日唔好彩定點，啲牛肉盤盤都好多肥膏，九成膏一成肉。結果我地兩個主要食羊肉多，每一
餐廳環境都算寬躺，全部食物有蓋冚住，乾淨衛生。其中我最欣賞嘅係佢嘅蔬菜類非常新鮮，唔會話霉霉爛爛又穿晒窿咁。熟食種類亦非常多，可惜見唔到有奶黃牛角包，不過坦白講熟食嘅味道同口感一般，例如小丸子就較為淋身同漿，比較多人攞嘅會係炸魚皮同雞翼，refill速度都好快，但我會建議留肚食多啲肉肉喇！
例牌同男朋友打邊爐都會叫壽喜燒湯底，十年如一日。JK Brother’s 嘅湯底個人認為鹹咗少少，食完第一輪就要加返啲水。我仲一開始落左舊花膠唔記得撈返上嚟，當我記得佢存在嘅時候舊花膠已經入哂味，變左棕色的魚咁樣，不過都仲係好大舊無咩縮水。
肉類有三款，🐑🐂🐖。真心講呢個價錢有羊肉食真係好驚喜。雖然肉就薄身啲，但任嗌嫁喎！店員周不時就會推住架車仔問每枱客人需唔需要加肉。不過唔知係咁啱我嗰日唔好彩定點，啲牛肉盤盤都好多肥膏，九成膏一成肉。結果我地兩個主要食羊肉多，每一片都帶少少羊騷味真係好jeng。
最後埋單平均每人$75，2人同行1人半價，即$88+$88-$44+$17.6(加一)，實收$150。個人認為JK Brother’s CP值極高，絕對推薦俾想過下邊爐口引食下羊肉嘅你。
張貼