魚心日本料理 (已結業)

呢間餐廳位置比較偏僻，餐廳環境都只係一般，但勝在夠抵食，中午亦有好多學生。六舊火炙三文魚細加州卷，配咖喱飯，都只係40蚊，壽司上的三文魚有火炙味道，飯包住沙律汁，青瓜，好好味。日式咖哩汁少少辣，夠香濃。我朋友叫左個壽司手卷套餐，份量頗多，望上去已經覺得好滿足，食落味道都唔錯，就係稍嫌多飯，叫呢個set如果跟拉麵或者八爪魚丸就會好啲。見到menu上面有其他午市定食，都幾吸引，我諗下次可以再過來再試試。